Kadrix xodim ilovasi — Maxfiylik siyosati

1. Qanday ma'lumotlar to'planadi

Ish beruvchi kiritgan: F.I.Sh., telefon raqami, lavozim, bo'lim, ishga qabul sanasi, profil surati.

Ilova to'playdigan: qurilma identifikatori va modeli (bitta xodim — bitta telefon), ilova versiyasi, til.

Joylashuv: faqat xodim «Keldim» yoki «Ketdim» tugmasini bosgan paytda — koordinata va aniqlik. Fon rejimida kuzatuv yo'q, ish vaqtidan tashqarida so'ralmaydi.

Kamera: faqat HR bergan QR kodni skanerlash uchun; tasvirlar saqlanmaydi.

Biometrika (Face ID / barmoq izi): faqat telefonning o'zida ilovani ochish uchun; biometrik ma'lumot serverga yuborilmaydi.

2. Nima uchun ishlatiladi

Ish davomatini qayd etish (kelish/ketish vaqti, ish hududi ichida ekanini tekshirish).

Ish beruvchi uchun tabel, jadval va hisobotlar.

Xavfsizlik: kirish urinishlarini cheklash, soxta joylashuv va begona qurilmani aniqlash.

3. Kimga beriladi

Ma'lumotlar faqat xodimning ish beruvchisiga (tashkilot va uning HR xodimlariga) ko'rinadi. Uchinchi shaxslarga sotilmaydi va reklama uchun ishlatilmaydi.

Ma'lumotlar Kadrix serverlarida saqlanadi; uzatish TLS (HTTPS) bilan shifrlangan.

4. Saqlash muddati

Davomat yozuvlari mehnat munosabatlari davomida va qonunda belgilangan hisobot muddatlarida saqlanadi. Joylashuv koordinatalari faqat belgilash hodisasi bilan birga saqlanadi.

5. Sizning huquqlaringiz va hisobni o'chirish

Siz o'z ma'lumotlaringiz bilan tanishish, ularni tuzatish va rozilikni qaytarib olish huquqiga egasiz.

Hisobni o'chirish: ish beruvchining HR bo'limiga murojaat qiling — mobil hisob bloklanadi/o'chiriladi va telefon bog'lanishi bekor qilinadi. Shuningdek info@kidzone.uz manziliga yozishingiz mumkin.

6. Bolalar

Ilova 18 yoshdan kichiklar uchun mo'ljallanmagan.